CROMETEO detaljna prognoza

GENERALNI SPONZOR

POKROVITELJI

MEDIJSKI POKROVITELJI


PODUPIRATELJI

BALUN ZA PICIGIN (za 5 osoba)

po riceti Drage Krpetića

potribno: bivši balun od tenisa, najboje Arabas, Tretorn oli Dunlop, brtulin, kombinirke, grezi zid, karta devera, ruka, dva puta slobodno popodne, Bačvice

Vazme se u ruku jedan balun dobro istučen na tenisu, a brtulinon se malo razriže spoj dlakave robe u koju je zamotan. Od te se bužice klištima kombinirkama povuče roba i u dvi minute je balun oguljen. O grezi zid ograta se lipilo, a onda se najprin grubjon, a onda finojon karton deveron brusi, brusi, brusi... Ako je priša, more bit gotov za jedno popodne, ali vrag odnija prišu, dva dana su jušto za dobar posal.

Sloj gume širok je okolo tri milimetra, a triba ga dovest na milimetar i po. Kako bi se to lipo izvelo, svugdi jednako, prije nego se počne strugat novi sloj, balun se namaže bilon kredon. Ne smi se izbrusit ni malo, ni puno, nego na miru, jerbo balun mora skakat koliko triba, lipo ležat u ruci, jemat pravilnu putanju, pravu težinu, elastiku...

Postoji balun za vitar, malo teži, i balun za bez vitra, kojin se igra u mirnije vrime. Nikad se ne brusi na makinji, jer se ne more pogodit mira.

Kad je gotov, balun mora proć baren jednu provu, da bi se znalo je li na miru i po guštu piciginašima.

Rok trajanja mu je jednu sezonu.